खरं खरं सांगा
खरंच सांगा बरं मला
देश नेमका काय असतो?
कष्टणारे दोन हात
की शर्यतीत धावणारे पाय असतो?
खरंच सांगा मला
देश म्हणजे नेमकं काय?
कमवून आणणारा बाप
की घर सावरणारी माय?
खरंच जाणून घ्यायचंय मला
देशाला कोण चालवतं?
मूठभर नेत्यांचं सरकार
की लोकसंख्येलाच ते पेलवतं?
खरंच एकदा सांगा कुणी
नेमकं कोण देशाची शान?
राष्ट्रभक्ती मिरवणारे चेहरे
की जान देणारे जवान?
वर्षा वेलणकर
Minti,
ReplyDeleteHi kavita kharach antermukh karanari aahe......Uttam
Its a very patriotic poem and I liked it very much.
ReplyDelete